குன்றக்குடி அடிகளாரின் 102-வது பிறந்தநாள்: மணிமண்டபத்தில் அரசு சார்பில் அமைச்சர்கள், அதிகாரிகள் மலரஞ்சலி!

​
சிவகங்கை மாவட்டம், குன்றக்குடி ஊராட்சியில் செய்தி மக்கள் தொடர்புத் துறை சார்பில், குன்றக்குடி அடிகளார்  102-வது பிறந்தநாள் விழா அரசு விழாவாக மிகச் சிறப்பாகக் கொண்டாடப்பட்டது.

​இவ்விழாவினை முன்னிட்டு, குன்றக்குடியில் அமைந்துள்ள குன்றக்குடி அடிகளார்  மணிமண்டபத்தில் உள்ள அவரது திருவுருவச் சிலைக்கு அரசின் சார்பில் மாலை அணிவித்து, மலர் தூவி மரியாதை செலுத்தப்பட்டது.

​தற்போதைய குன்றக்குடி ஆதீனம் குன்றக்குடி பொன்னம்பலம் அடிகளார் முன்னிலையில் நடைபெற்ற இந்நிகழ்வில் அமைச்சர் டாக்டர் T.K. பிரபு மற்றும் திருப்பத்தூர் சட்டமன்ற உறுப்பினர் சீனிவாச சேதுபதி 
 மானாமதுரை எம் எல் ஏ இளங்கோவன் ஆகியோர் கலந்துகொண்டு மலரஞ்சலி செலுத்தினர்.

​இவர்களுடன் சிவகங்கை மாவட்ட ஆட்சியர் ஆகாஷ், செய்தி மக்கள் தொடர்பு அலுவலர் ஜெக வீரபாண்டியன், திருப்பத்தூர் வட்டாட்சியர் மாணிக்கவாசகம் மற்றும் அரசு உயர் அலுவலர்கள், உள்ளாட்சி அமைப்புகளின் பிரதிநிதிகள், பொதுமக்கள் உட்படப் பலர் கலந்து கொண்டு சிறப்பித்தனர்.